Ракометарите на Е. Пелистер славеа со 35:26 на денешниот натпревар против Бутел и ја остварија новата, седма победа во плеј-офот во суперлигата. На домашен терен, битолчани одиграа добро во двете полувремиња, не оставајќи простор за гостите од Скопје да приредат изненадување.
Филип Кузмановски и Филип Николов со по десет погодоци беа најефикасени играчи на натпреварот. Во рамките на ова 8. коло, во недела екипата на Охрид го пречекува тимот на Вардар.
