Се наближува почетокот на второто “полувреме“ од финалето на ЕХФ Европскиот Куп меѓу Алкалоид и АЕК. Почетокот е закажан за 20.30 часот, трибините во Арената “Борис Трајковски“ ќе бидат преполни, а најавено е дека ќе има фанови од Грција, фанови на АЕК.
Па така во текот на денот раководството на грчкиот клуб упати апел до своите навивачи:
“АЕК ги информира своите навивачи дека на денешниот официјален состанок и покрај барањето за што повеќе билети, локалните власти решија да добиеме 200 влезници. Затоа, на нашите навивачи кои немаат билет ќе им биде забранет пристап во околина на салата, бидејќи тоа ќе биде многу опасно за нивната безбедност“.
