Пред четири дена, Кевин Де Брујне го одигра својот последен натпревар на „Етихад“ во дресот на Манчестер Сити. Јасно е дека тој мора да игра со својот Манчестер Сити денес во последното, 38-мо коло од Премиер лигата, а потоа станува слободен агент.
Како што стојат работите, Де Брујне веќе одлучил каде ќе ја продолжи кариерата, што ќе биде Италија и тимот што стана нов шампион на оваа земја, а тоа е Наполи.
Според изјавите на Фабрицио Романо, како и бројни големи светски медиуми, преговорите меѓу Де Брујне и претставници на Наполи траеле цела ноќ. Нивната последна понуда за Де Брујне е тригодишен договор, а дури е познато и колку ќе заработува Белгиецот во својот нов клуб.
Во првите две сезони, Де Брујне ќе има плата од 6 милиони евра годишно, а во третата сезона ќе има 5 милиони евра, а ќе добива и пари за потпишување на договорот.
Де Брујне имаше понуда и од МЛС на маса, поточно од тимот на Чикаго Фаер, но очигледно не го интересираше премногу.
Така, Де Брујне ќе заработи 27 милиони евра за три години во својот нов клуб, и ќе продолжи да игра на врвно ниво, а ќе се испроба и во Италија.
Според новинарите на ESPN, Де Брујне ја прифатил понудата на Наполи синоќа, и треба да биде претставен како нов играч на клубот следната недела.
