Кошаркарите на Фенербахче дојдоа до нова титиула во Евролигата, откако денеска во Абу Даби славеа во финалето на Ф4 против Монако со 81:70. Четата на Шарунас Јасикевичиус успеа да слави над тимот кој и тоа како покажа сила во ова финале, но сепак гигантот од Истанбул знаеше како да го одигра овој најважен меч во сезоната.
Инаку ова е втора титула за Фенербахче во Евролигата во клупската историја.
Монако подобро го отвори мечот и успеа да ја добие првата четвртина со 20:18, сепак момците на Јасикевичиус и тоа како вратија во вториот период па на пауза се замина со предност за Фенер од +2 поени.
Во продолжението од средбата видовме рамноправна борба, а таа трета четвртина Фенер ја доби со минимални 19:18.
Сепак во последниот период, кога беше најпотребно, турскиот тим одигра како вистински шампион и успеа на крајот да победи со 81:70 и да го подигне пехарот апсолутно заслужено.
Хејс кај победничкиот состав беше најефикасен со 23 поени, додека кај поразениот тим тоа беше Диало со 19.
ФОТО: Евролига/ФБ
