Соопштението на Европската ракометна федерација после одлуката на АЕК да не излезе на терен на вториот финален натпреавр во рамките на ЕХФ Европскиот Куп се чини е најшокантното нешто што досега го имаме прочитано од врвот на европската „куќа на ракометот“.
За една висока и сериозна институција три реченици, од кои едната крајно несериозна се недозволиви. ЕХФ кратко информираше дека мечот во Скопје не се одиграл поради БЕЗБЕДНОСНИ причини.
Иако имаа свои претставници, официјални лица за овој дуел, сепак се одлучија да одберат збор кој нема никаква поврзаност со случувањата во СЦ „Борис Трајковски“. Никој од тимот на АЕК не се најде во животно загрозувачка ситуација, напротив додека ракометарите на грчкиот тим можеа слободно да се движат покрај теренот, па дел од нив дури и направија фотографии со фановите. Македонските навивачи во ниту еден момент не беа ниту насилни, ниту некултурни. За тоа говори и фотографијата која ја направивме на нашата насловна страница.
*Напомена: Две од трите слики се превземени од Фејсбук, се со цел да ја прикажеме атмосферата во Скопје и ЕХФ да види дека БЕЗБЕДНОСТА беше на високо ниво.
