Италијанскиот стратег Карло Анчелоти за првпат во јавноста зборуваше за својата нова работа во бразилската репрезентација. Италијанскиот специјалист го презеде националниот тим на Бразил откако го напушти Реал Мадрид пред само два дена.
„Голема чест и гордост е за мене да го водам најдобриот тим во светот. Пред мене е сериозна задача – да работам за повторно да го направам Бразил шампион. Ќе продолжиме напред заедно. Ни требаат сите“, рече Анчелоти во порака на социјалните мрежи.
Бразилската репрезентација е најтрофејната селекција во историјата на Светските првенства со пет шампионски трофеи (1958, 1962, 1970, 1994, 2002).
