СпортСпорт во Приштина, Огнен Дојчиновски
Македонската репрезентација до 21. Година предмалку одигра 0:0 на првиот од двата закажани пријателски мечеви со соодветната селекција на Косово. На стадионот Фадиљ Вокри во Приштина, избраниците на селекторот Горан Станиќ одиграа на потребното ниво, во одбраната и средината на теренот, но не и во доменот на нападот, каде што реално не создадовме премногу ситуации. Единствената посериозна ја имавме во средината на второто полувреме кога Трајков од изгледна позиција со глава шутираше млако и над голот.
Се останато што се однесува до опасните ситуации беа за домаќинот, иако и тој не се истакна рпемногу во овој домен.
Сепак, добро е што оваа генерација полека се воигрува, осознава што се замислите и барањата на селекторот Горан Станиќ, и истите ги спроведува на терен. Младите репрезентативци на Македонија очигледно имаат желба и мотивација да се докажат во националниот дрес што е исклучително важно.
Вториот меч против Косово, се игра на наш терен на Комплексот Петар Милошевски в сабота со почеток од 15:00 часот.
Македонија: Василев, Џеков, Ангелов, Зенделовски, Ѓоргиевски, Трајков, Даиловски, Ајетовиќ, Меметриза, Данев, Мелиќи
