Не случајно кошаркарите на Оклахома важат за голем фаворит за шампионскиот прстен во НБА лигата оваа сезона. Статистиката која ја има овој тим досега на патот кон големото финале е импресивна.
Имено, Оклахома Сити го заврши финалето на Западната конференција со нова победа од 30+ поени над Минесота (124:94). Ова е четвртиот натпревар на Тандер со таква разлика во оваа плеј-оф серија, што е рекорд во НБА.
Претходно, Оклахома двапати го прегази Денвер со 30+ разлика, а еднаш настрада и Мемфис.
Исто така, Тандер претходно постави нов рекорд за просечна разлика во поени во регуларната сезона (+12,9), надминувајќи го претходното достигнување на Лејкерс од сезоната 1971-72 (+12,3).
Просечната разлика во поени за тимот во ова натпреварување е +10,8. Ова е најдобриот резултат за финалист од Голден Стејт од 2017 година (+13,5).
