Џан Пјеро Гасперини нема да биде нов тренер на Јувентус. Според информациите на весникот „Газета дело Спорт“, досегашниот тренер на Аталанта ја одбил понудата на „Старата Дама“.
Гасперини денеска разговарал со идниот генерален директор на „бјанконерите“ Дамиен Комоли, но тој не успеал да го убеди да се нафати да го води Јуве следната сезона.
„Поминав неколку часа избирајќи меѓу Јувентус и Рома и се одлучив за втората опција“, наводно изјавил Гасперини по средбата со Комоли.
Во преговорите со Римјаните тој постигнал многу поголем напредок. Забележано е дека раководството на Јувентус се обидело да го ангажира Гасперини по иницијатива на Џорџо Кјелини.
