Сосема очекувана разврска на првата полуфинална пресметка во женскиот Куп на Македонија. Фаворитот, Ѓорче Петров ја победи екипата на ЖРК Вардар со убедливи 39-18.
Овој натпревар беше решен после едно полувреме, по кое избраничките на Симе Симевски имаа седум гола разлика (19-12). Мечот го отворија со 10-5, „црвено-црните“ се вратиј на кратко на минус три гола (12-9), но потоа одново застанаа.
Второто полувреме беше само чиста рутина на Ѓорче Петров, во финалето ќе игра против подобриот од Чаир и Металург Автокоманда.
Коларовска имаше шест гола, по пет постигнаа Вранчиќ и Дежиќ. Кај поразениот состав Миленковска имаше шест гола.
