Повредата на Теимураз Орјоникидзе, кој ќе отсуствува од теренот до крајот на календарската година, ги принуди челниците на Охрид да бараат соодветна замена. Изборот падна на српскиот интернационалец, Стефан Петриќ, кој по две години ќе го замени главниот град Скопјe со градот на езерото, дознава Balkan-Handball.com.
Дваесет и четиригодишниот лев бек доби целосна афирмација како играч во дресот на белградски Партизан, со кого играше во финалето на плејофот во сезоната 2022/2023, пред да се упати кон Македонија за да се приклучи на клубот каде што играше и неговиот татко, познатиот југословенски репрезентативец Владимир Петриќ.
Петриќ јуниорот имаше добра улога во црвено-црниот дрес, постигнувајќи 20 гола во Лигата на Европа на ЕХФ, во сериозна конкуренција од играчи како Борозан и Хориха.
Во Охрид ќе има можност да се наметне кај новиот тренер Борис Ројевиќ, кој го познава добро од терените на српската Суперлига.
