Голманот на македонската репрезентација до 21. година Васко Василев ќе биде нов голман на тимот на Работнички, додека пак чуварот на мрежата кој што е дел од нашата А репрезентација Игор Алексовски заминува на интернационална авантура во тимот на Влазниа од Албанија.
Василев последно бранеше за тимот на Гостивар, каде што и немаше преголема минутажа, и истата ја делеше.
Од друга страна пак, Алексовски е стандарден веќе извесно време во Работнички, имаше голем удел во изминатата сезона и резултатите на овој тим па нормално е да има понуди од странство.
Василев беше на голот за нашиот У21 тим на пријателската во Косово, а се очекува да стартува и денес од 15:00 часот на ФФМ.
