Трибините на салата при СРЦ „Билјанини извори“ во Охрид попладнево се очекува да бидат исполнети до последно место за финалниот натпревари од Купот на Македонија во машка конкуренција, мешу екипите на Вардар и Е. Пелистер.
Организаторите на Ф4 турнирот, ГРК Охрид, објавија дека за финалето во продажба се останати само уште околу 250 билети. Билетарата при СРЦ „Билјанини извори“ се отвора во 14.30 часот и сите заинтересирани треба да побрзаат за да дојдат до посакуван билет за мечот.
Вратите за влез на навивачите во салата ќе се затворат во 17 часот.
