За време на неговата посета на Лондон, Интер разговараше за можното потпишување на Расмус Хојлунд од Манчестер Јунајтед. Спортскиот директор на „нероаѕурите“, Пјеро Аусилио, бил во англиската престолнина на интензивни преговори во врска со замена за тренерот Симоне Инзаги, кој е на пат кон Ал-Хилал. Аусилио, исто така, одржал состанок со претставници на Манчестер Јунајтед. Според FCInterNews.it, тема на разговорот бил данскиот интернационалец.
Потпишан од Аталанта во 2023 година за 80 милиони евра плус бонуси, Хoјлунд постигна 10 гола и имаше 4 асистенции во 52 натпревари за Манчестер Јунајтед оваа сезона. Неодамна интензивно се зборуваше за можното враќање на Данецот во Серија А, во Јувентус или Наполи, веројатно како дел од договор за размена за Душан Влаховиќ или Виктор Осимен.
Интер сега се приклучува и во трката за неговиот потпис. Потенцијалниот трансфер во Интер би бил во форма на позајмица со опција за откуп.
