Словенечкиот кошаркар Лука Дончиќ ќе потпише тригодишен договор со Лос Анџелес Лејкерс, објавува ESPN.
Откако ја завршија сезоната, Лејкерси се одмараат, но и се подготвуваат за новата сезона каде што улогата на Лука Дончиќ на теренот треба да биде подоминантна. Тој се адаптирал, ја прифатил својата судбина и сè што останува е неговото здравје да му служи по Евробаскетот на кој ќе учествува.
А, пред тоа, ќе потпише тригодишен договор бидејќи на 2 август ќе бидат шест месеци од блокбастерската размена. После тоа, ќе потпише нова соработка вредна 165.000.000 долари што вклучува опција за играч за сезоната 2028/29.
Откако Леброн Џејмс ќе се пензионира во одреден момент, Лука ќе стане првото лице на оваа франшиза и се надеваат дека тој ќе ги води до шампионски прстен.
Дончиќ досега одигра 33 натпревари за Лејкерси, со просек од 28,5 поени, 7,9 скока и 7,3 асистенции.
