Пелистер остана на тронот во македонскиот ракомет. Вечерва во неизвесен меч успеа да дојде до третата титула во низа, вкупно деветта во својата историја. Битолчани ја спасија сезоната, и му се реваншираа на Вардар за Купот на Македонија на најдобар можен начин, среде Скопје ја одбранија титулата.
Вечерва Битола нема да спие, ќе ги чека своите херои. Славјето почна во СЦ „Јане Сандански“, капитенот Филип Кузмановски прв истрча кај навивачите го зеде мегафонот и направи вистински бум на трибините.
