По речиси тринеделен и тоа заслужен одмор, денеска Вардар означи старт на летните подготовки за наредната сезона, секако и за настапите во Европа.
Играчите и стручниот штаб на чело со Гоце Седлоски се собраа во клупскиот тренинг камп и го одработија првиот тренинг во добра атмосфера.
Како што велат од таборот на победникот во Купот, во деновите што следат ќе се направат медицинските прегледи врз играчите, како што е редот, а на 13 јуни се заминува во Раденци (Словенија) каде ќе се одработи најважната фаза од подготовките.
Таму покрај вообичаените тренинзи и воигрување на тимот, ќе се одиграат и неколку пријателски средби со познати фудбалски клубови од европските лиги, со цел за повисоки дострели и постигнување во следната сезона.
