Манчестер Сити денеска го промовираше дресот со кој ќе настапи како дел од колекцијата дресови за претстојното Светско клупско првенство во САД. Дресот е дизајнирфан од „КидСупер“, а во производство на Пума, и многу потсетува на некои од легендарните дресови на клубот од 70-тите години.
Свежата бела основа е во контраст со црно-црвениот дијагонален појас, омилен кај навивачите на Манчестер Сити низ целиот свет уште од гостинските дресови од 70-тите што ги носеа играчи како Колин Бел.
Исто така, лансиран е и специјален дрес за голмани, во неонски бои на сонце, со црно-жолт појас.
Дресот кој ќе го носат играчите во САД е изработен од ткаенината ULTRAWEAVE на Пума, која ја намалува тежината и триењето за перформанси на елитно ниво.
Look closer 🔍 @pumafootball 🤝
— Manchester City (@ManCity) June 10, 2025
