Владимир Мирковски ќе биде нов тренер на Работнички во следната сезона. Откако најтрофејниот кошаркарски колектив не успеа да го врати стариот сјај и покрај подобрената финансиска сиутација со Горан Самарџиев на клупата, сега ќе се обиде со ново младо тренерско име.
Пред крајот на сезоната Самарџиев го остави Работнички поради катастрофалното издание на неговиот тим. Мирковски го чека напорна работа, со оглед на нестабилноста на „црвено-белите“ во изминатите години кога станува збор и за тренерските имиња.
Тој беше младински селектор, а лани ја водеше Војводина во АБА2 лигата и за малку не успеа да обезбеди пласман во големото финале од регионалното натпреварување.
