Раководството на Струга ТЛ сеуште не одлучило кој ќе ја предводи екипата во наредната сезона. Откако Илчо Ѓорѓиоски, по поразот во финалето во Купот на Македонија, доби отказ, довчерашниот шампион е во потрага по нов стратег. Се шпекулираше со повеќе домашни тренерски имиња, имаше разговори и преговори со Србинот Драган Аничиќ, а најново е тоа што се водат разговори со Бледи Шкемби (45), кој во моментов е тренер на Тирана.
Како што велат нашите информации, Струга ТЛ му доставило понуда на еден од најдобрите тренери во таа земја, сега негово е да одлучи дали ќе остане во Тирана или ќе дојде во Македонија.
Инаку Шкемби покрај Тирана бил тренер и на Теута, Динамо Тирана, Балкани а бил и селектор на младински селекции на својата земја.
Како фудбалер има 14 настапи за својата земја, а играл во екипите на Скендербег, Ријека, Металург Запорожје и други.
ФОТО: КФ Тирана/ФБ
