Денеска продолжуваат натпреварите на меѓународниот турнир „Марко Божиновски“, кои се играат на истоименото отворено игралишите. Првиот ден мина во победи на Македонија А тимот и на Србија. Избраниците на Горан Кузманоски славеа против Катар со 29-25, додека пак Србија беше подобра од Романија со 29-27.
Денеска ќе го видиме и вториот тим на Македонија до 17 години, првиот меч го игра во 11:30 против Романија.
Натпреварите се поделени во два дела, два ќе се одиграат во поран термин поради високите температури, додека останатите два се закажани за после 18 часот.
Во рамки на Меморијалниот ракометен турнир „Марко Божиновски 2025“, во соработка со Црвениот крст е организирана хуманитарна крводарителска акција
📍 Локација: Спортски центар „Марко Божиновски“ – Ново Лисиче
📅 Датум: 14 јуни (сабота)
🕘 Време: од 09:00 до 15:00 часот
Како што велат од Фондацијата „Марко Божиновски“ – со една дарувана кеса крв можете да спасите три животи.
Дарувајте крв и станете нечиј херој.
Ова е наш начин да покажеме што значи вистинска солидарност – во чест на Марко, кој својот живот го посвети на спортот, тимскиот дух и хуманоста.
