Судот на ЕХФ донесе пресуда во случајот што се однесува на четвртфиналниот натпревар од Европскиот куп за мажи на ЕХФ за сезоната 2024/25 помеѓу РК Партизан и РК АЕК Атина, закажан за 30 март 2025 година во Белград, Србија.
Дисциплинска постапка е покрената поради безбедносни причини, последични трошоци предизвикани од одложувањето на натпреварот и истакнување политички транспарент.
Како резултат на тоа, Ракометниот суд изрече казна од 15.000 евра на РК Партизан АдмиралБет за несоодветно и исклучително опасно однесување на гледачите. Исто така, им изрече забрана на гледачите да присуствуваат на следните пет домашни натпревари на РК Партизан во натпреварувањата на ЕХФ. Два од тие натпревари се суспендирани. Покрај тоа, РК Партизан мора да ги сноси трошоците за организирање на презакажаниот натпревар.
Дополнителна казна од 4.500 евра му е изречена на РК Партизан поради истакнување политички транспарент.
Од таборот на српскиот тим можат да поднесат жалба до Апелациониот суд на ЕХФ во рок од седум (7) дена.
