Оклахома Сити ја победи Индијана со 111:104 и израмни на 2-2 во финалето. Серијата се игра на четири победи. ОКС оствари голем триумф во Индијанаполис бидејќи домаќините имаа десет поени предност во третата четвртина и беа блиску до една победа од титулата против големите фаворити.
Тандерс до триумфот дојдоа благодарение на Шај Гилџус Александер, кој од 35-те поени што ги постигна (12/24 шут од поле), дури 15 oд нив ги реализираше во последните четири и пол минути, со што го сврти натпреварот.
Џејлен Вилијамс постигна 27 поени со седум скока. Чет Холмгрен постигна 14 поени со 15 скока. Алекс Карузо беше одличен од клупата, постигнувајќи 20 поени со 7/9 шутеви од поле и пет украдени топки.
Само Сиакам беше на ниво за Индијана, но беа блиску до голема победа. Индијана ја предводеше Паскал Сиакам со 20 поени, осум скока и пет асистенции и една украдена топка. Тајрис Халибартон не беше во својата најдобра форма во плејофот досега. Тој постигна 18 поени со 7/15 шутеви од поле.
Индијана беше поблиску до победата до последната четвртина. Потоа започна серија израмнувачки поени, а Гилџус-Александар на две минути и 20 секунди пред крајот им донесе предност на Тандер од 104:103, прво водство на гостите во второто полувреме. МВП-то и неговите соиграчи повеќе не го испуштија.
