Ракометарите не Пелистер не успеаја да приредат сензација на завршницата на младинскиот фајнл-фор во Лигата на шампиони. Дански ГОГ на дело покажа зошто е фаворит, славеше против македонскиот тим со убедливи 21-36. Во финалето данскиот клуб ќе игра со подобриот од Веспрем и Барселона.
Битолчани беа рамноправен противник само на стартот на мечот, поведоа со 3-2, по што противникот со серија од 4-0 дојде на 4-8, а потоа без проблем ја одржуваше позитивата, на одморот резултатот беше 12-17.
Не се смени ништо ниту во второто полувреме, ГОГ продолжи да доминира, после десет минути игра имаше предност од 13-23, ова беше доволно за да рутински ја заврши оваа средба.
Хаџиќ и Буторац со по четири погодоци беа први стрелци кај македонскиот тим.
За младите ракометари на Пелистер учеството на Ф4 завршницата останува големо искуство за во иднина.
