Младиот фудбалски репрезентативец на Македонија, Андреј Стојчевски, кој на мечот со Белгија дебитираше во првиот состав на нашата репрезентација, останува во екипата на Словачко и за следната сезона.
Како што објави чешкиот тим, кој во пролетната полуетапа од минатата сезона го позајми Стојчевски од екипата на Жилина, постигнат е договор меѓу двата клуба за откуп на договорот на нашиот репрезентативец, кој потпиша договор со Словачко до летото 2028 година.
