Тимот на Оклахома Сити Тандер постави историски рекорд во НБА за најмногу постигнати поени во една сезона, вклучувајќи ги и плеј-офот натпреварите. Пред четвртиот натпревар од финалето на НБА против Индијана, им беа потребни 68 поени за да го израмнат рекордот на Голден Стејт, но со поените на Гилџес-Александер на 6:09 минути до крајот на третата четвртина успеаја да ја пробијат границата.
Оклахома го заврши натпреварот со 111 поени, со што нивниот вкупен број достигна 12.205 поени постигнати оваа сезона. Претходниот рекорд го држеа Голден Стејт Вориорс (12.161 поен во 104 натпревари во сезоната 2018-19). Доколку Оклахома Сити ја освои титулата, ќе стане четвртиот тим во историјата на лигата што има остварено 84 победи во една сезона. Единствените други тимови што го сториле тоа се Голден Стејт (88 победи во 2015-16), Чикаго (87, 1995-96) и повторно Чикаго (84, 1996-97).
