Утринава по македонско време започна историското Светско клупско првенство од милијарда долари. На стартот Интер Мајами на Лео Меси, на свој терен на “Хард Рок“ стадионот во Мајами, одиграа 0:0 против Ал Ахли од Египет. И треба веднаш да се каже дека голманите на двете екипи беа главните ѕвезди на овој прв меч на ова првенство. Посебно во блескаво издание се претстави чуварот на мрежата на Интер Мајами, Устари кој во 43.минута успеа да му одбрани пенал на Трезеге, имаше уште неколку одлични одбрани, беше ноќна мора за противникот од Египет и затоа беше прогласен за најдобар играч на теренот.
🚨🇦🇷 38-year-old Oscar Ustari, big penalty save for Inter Miami. What a game he is having! 🧤 pic.twitter.com/KESLsGxmSx
— EuroFoot (@eurofootcom) June 15, 2025
Лео Меси и во 37 година ја покажа сета своја класа. Сам си создаде две шанси, но не успеа да му донесе победа на својот тим. Прво противничкиот голман Ел Шенави го одбрани неговиот удар, а потоа Лео од слободен удар ја погоди пречката на Ал Ахли.
Leo Messi hits the woodwork in the final seconds of the game 💔💔💔💔pic.twitter.com/F0s9cip9bX
— Leo Messi 🔟 Fan Club (@WeAreMessi) June 15, 2025
Треба да се каже дека трибините на “Хард Рок“ стадионот во Мајами беа исполнети, имаше околу 60.000 гледачи. Сепак Меси е Меси, а ова беше и прв меч. Од друга страна се стравува дека ова СКП не предизвикува такво внимание како што ФИФА очекуваше.
ФОТО: ФЦ Интер Мајами/Х
