Феноменален натпревар одиграа екипите на Бока Јуниорс и Бенфика во рамки на Светското клупско првенство, а крајниот резултат беше 2:2. Бока Јуниорс имаше предност од 2:0, но до крајот прими два гола и мораше да се задоволи само со еден бод.
Веќе во 21. минута, Бока дојде до водство – Бланко асистираше, а Мигел Мерентиел го постигна првиот гол. Само шест минути подоцна, повторно топката заврши зад грбот на голманот на Бенфика – Коста асистираше, а Батаља го зголеми водството на 2:0.
Во 45. минута, Ерера доби директен црвен картон надвор од теренот, а три минути подоцна, во судиското надополнување, Ди Марија намали на 2:1 од пенал.
Во 72. минута следуваше многу остар старт – Белоти со копачка удри играч на Бока во глава и доби директен црвен картон. Крајните 2:2 ги постави Отаменди во 84. минута по асистенција од Кокчу.
До крајот на натпреварот, уште еден црвен картон – овој пат за Фигал од Бока Јуниорс поради остар старт.
Кога станува збор за натпреварот меѓу Фламенго и Есперанс, победа однесе Фламенго со 2:0.
