Искусниот македонски фудбалски стратег, Горазд Михаилов е на чекор да го преземе словенечкиот прволигаш Радомље. Изминатава недела тој се поврзуваше со тренерското место во Пелистер, но очигледно дека Михаилов има опции и за заминување во странство.
Радомље е екипа која што во изминатиот словенечки шампионат заврши како осма. Има амбиции летово да се засили и следната сезона да цели на повисоко место.
Од друга страна пак, Михаилов пак во моментов е без ангажман, а последно седеше на клупата на Беса Добри Дол.
