Реал Мадрид ја совлада екипата на Пачука со 3:1 и ја оствари првата победа на клупското светско првенство. Важно е да се напомене дека Реал играше речиси целиот натпревар со играч помалку, по исклучувањето на Раул Асенсио во 7-мата минута од натпреварот.
И покрај тоа што „кралевите“ имаа дефицит на теренот, сепак Чаби Алонсо фантастично го постави овој натпревар и Реал не се помачи многу за да триумфира против мексичката екипа. Резултатот го отвори Џуд Белингем во 35-тата минута, а само 8 минути подоцна Арда Ѓулер го зголеми водството. Федерико Валверде стави печат на победата во 70-тата минута. Почесниот погодок за Пачука го постигна Монтиел во 80-тата минута.
