Нико Вилијамс и официјално заедно со својот агент го информирал својот клуб Атлетик Билбао дека сака трансфер во Барселона.
Крилниот напаѓач разговарал со првите луѓе на клубот од Баскија и им ја пренел желбата за преселба во Каталонија. Баскијците му дале збор дека нема да го спречат 22-годишниот голгетер да си замине, но само под услов да ја добијат целата сума од откупната клаузула во вредност од 62 милиони евра.
Вилијамс и минатата сезона беше на мета на Барселона, но финансиските проблеми го спречија каталонскиот гигант да го реализира трансферот. Прашање е дали Лапорта и ова лето ќе успее да најде пари за целата откупна клаузула на шпанскиот репрезентативец.
