Српскиот тенисер Новак Ѓоковиќ денеска беше поразен на егзибицискиот турнир во Лондон од рускиот тенисер Карен Качанов со 6:7 (4), 4:6. Мечот меѓу Ѓоковиќ и Хачанов, кој е рангиран на шестото и 19-то место во светот, траеше еден час и 22 минути.
Ѓоковиќ имаше сет-поен на сервис на противникот при 5:4, но Качанов успеа да го одбрани и брзо го одведе првиот сет во тај-брејк. Рускиот тенисер победи во дополнителниот гем со резултат 4:7. Клучниот момент во вториот сет беше брејкот на Качанов во 10-от гем.
За Ѓоковиќ, учеството на „Џорџо Армани тенис класик“ беше единствената подготовка пред Вимблдон, третиот Гренд слем во сезоната, кој започнува во понеделник. Таму, седумкратниот шампион на Вимблдон во првото коло ќе се соочи со францускиот тенисер Александар Милер (40-ти на АТП листата).
