Интересна сторија доаѓа од Италија, каде што во моментов очигледно се наоѓа најдобриот кошаркар на светот, Никола Јокиќ. Во малото место Ферару, па и не така ултра популарно, Јокиќ се сместил во еден од хотелите во центарот на градот, со намера да посети неколку штали со коњи, неговата голема љубов.
Ова не би била и некаква сензационална вест, ако сопственичката на хотелот, а потоа и нејзиниот сопруг не ја споделија интересната сторија.
Имено, сопственичката на хотелот воопшто немала претстава за кого станува збор, па без некоја посебна воодушевеност го пречекала, нагостила и испратила Јокиќ. Притоа правејќи фотографија со него, само поради неговата екстремна висина во споредба со неа. Споделувајќи ја приказната со нејзиниот сопруг, таа всушност открила за кого се работи, бидејќи нејзиниот сопруг веднаш го препознал србинот.
„Кратка тажна приказна“ – искоментирал сопругот, кој очигледно ќе се „јаде“ до крајот на животот што не се нашол на правото место во вистинското време.
“Breve storia triste: mia moglie ha una struttura ricettiva a Ferrara. Poco fa mi ha mandato questa foto. Lei non sa nulla di basket. Mi ha scritto: ‘Stanotte ha dormito qui uno altissimo che è venuto a vedere dei cavalli. Ora è andato via. Gli ho chiesto una foto per fartelo… pic.twitter.com/IceD0Jm0hn
— La Giornata Tipo (@parallelecinico) June 26, 2025
