Струга Трим Лум денес потпиша професионален договор со италијанскиот голман, Марко Анџелети. Се очекува 24-годишникот да ја зголеми конкуренцијата на голот, но во исто време да донесе нов дух со своето искуство стекнато во Италија, а неодамна и во Гибралтар. Роден на 24 април 2001 година, Анџелети пораснал со тимот на Специја, поминувајќи ги сите возрасни групи, додека како 19-годишник се докажал и со сениорскиот тим на Понтедера, за потоа да продолжи со неколку други италијански тимови од пониските категории, додека истиот беше префрлен во тимот на Европа ФК од Гибралтар минатото лето.
Барајќи нови предизвици во својата кариера, Анџелети не сакаше да се врати во Италија, прифаќајќи ја понудата на Струга Трим Лум.
„Можам да кажам дека добивме голман со перспективи, голман за иднината. Со оглед на тоа што Италија секогаш произведува добри голмани, верувавме во Анџелети, за кого верувам дека ќе биде првиот италијански голман што ќе биде дел од Првата лига. Се надеваме дека брзо ќе се аклиматизира со тимот, кој од денес ќе ја започне фазата на подготовка за новата сезона“, рече спортскиот директор, Бесарт Исаку.
Договорот на Италијанецот стапува на сила денес и ќе важи до крајот на јуни 2027 година, но со можност за продолжување за уште една година.
За Анџелети, ова ќе биде второ искуство надвор од Италија, по она во Гибралтар.
ФОТО:ФЦСтругаТЛ
