Иако беше отпишан од Јувентус во Торино, каде што нема да има шанса да игра следната сезона, Душан Влаховиќ не сака да му ја олесни работата на клубот и да си замине ова лето.
Тој беше ставен на трансфер листата. Сепак, тој не сака да оди во тим кој не може да му плати бројка од најмалку 10 милиони евра нето годишно.
Овој услов важи за сите освен за клубовите од Саудиска Арабија и Турција. Фенербахче беше подготвен да му даде повеќе од тоа, како и Ал-Ахли. Влаховиќ ги одби.
Италијанскиот „Ил Џорнале“ тврди дека Србинот одбил нереална плата од тимот од Саудиска Арабија.
„Душан Влаховиќ одбил понуда од 20 милиони евра по сезона и договор до 2028 година што му ја испратил Ал-Ахли“, тврди овој весник.
Србинот едноставно не сака да оди во Турција или Арабија, и е подготвен да ја преседне сезоната на трибините за да ги земе 12-те милиони евра што Старата Дама ќе му ги плати во последната година од договорот. Тоа би било навистина без преседан.
Јуве се обидува да преговара со 25-годишниот напаѓач за да прифати една од понудите што доаѓаат, но засега не сака ни да чуе за бројките што му се нудат.
Милан му беше интересен, но само до платата од шест милиони евра, што му беше понудена. Претходно, тој исто така одби понуда за продолжување на соработката со Јуве и осум милиони евра годишно.
Јувентус бара 20-25 милиони евра за неговите услуги. Сепак, тој не сака да оди и е огромен проблем за гигантите од Торино.
Србинот одигра 145 натпревари за Јуве со 58 гола и 14 асистенции.
