Досегашниот член на екипата на Шкендија и некогашен младински но и сениорски репрезентативец на Македонија, Ристе Јанков е нов чувар на мрежата на тимот на Македонија ЃП.
Искусниот голман доаѓа како засилување на голманската позиција, каде што тука и натаму е Андреј Ефремов.
Јанков е дете на Работнички, имаше еден интернационален излет, а потоа пристигна во таборот на шампионот Шкендија. Таму ја делеше минутажата, не беше стандарден, па реши да си замине.
