Како што официјално известуваат од таборот на Тиквеш, стручниот штаб на овој тим на чело со Ѓорѓи Мојсов, за следната сезона нема да смета на шестмина играчи кои беа дел од кавадаречкиот клуб во минатата сезона.
Тоа се Благоја Спиркоски, Алмир Цубара, Оливер Стоименовски, Давид Манасиевски, Филип Купанов и Арби Воша.
Инаку Тиквеш во моментов преговара со неколкумина познати и признати прволигашки играчи, и ако се оди според планот Мојсов на располагање ќе има подобар тим од лани.
Што се однесува до подготовките, кавадарчани утре ги стартуваат подготовките за наредната сезона.
