На сите им е јасно дека Виктор Осимен нема да остане во Наполи и дека ќе ја продолжи кариерата подалеку од овој клуб.
Од почетокот на преодниот рок, Осимен најчесто се поврзува со трансфер во Премиер лигата, поточно во Ливерпул или Манчестер Јунајтед.
Имаше понуди и од Саудиска Арабија, но Осимен јасно изјави дека не сака да оди во оваа земја и дека сè уште не е време да ја продолжи кариерата таму.
Сега, англиските медиуми објавија дека Осимен донел одлука каде ќе ја продолжи кариерата и дека ги разочарал и Ливерпул и Манчестер Јунајтед.
Осимен наводно одлучил да ја продолжи кариерата во Галатасарај, и нема да има трансфер во Англија барем ова лето.
Нигерискиот напаѓач е еден од најдобрите во светот со години, а на 133 одиграни натпревари за Наполи, постигнал 76 гола.
Сепак, откако не успеа да најде заеднички јазик со тренерот на Наполи отиде на позајмица во Турција, поточно во Галатасарај.
Тој одигра 41 натпревар за тимот предводен од клупата на Окан Бурук, а постигна дури 37 гола и ја освои титулата со овој тим во Турција.
Секако, веднаш почнаа шпекулациите за тоа каде ќе ја продолжи кариерата, а најголем интерес, заедно со клубовите од Саудиска Арабија, покажаа Манчестер Јунајтед и Ливерпул.
Сепак, Осимхен сега наводно одлучил дека сака да остане во Турција и дека сака овој клуб да го откупи неговиот договор.
