Македонската женска младинска репрезентација денеска го игра првиот меч на Европското првенство У19 чиј домаќин е Подгорица. Нашите девојки се во група со Унгарија, Чешка и Полска.
На стартот на шампионатот избраничките на селекторот, Симе Симовски ќе играат против Унгарија, мечот е закажан со почеток во 19:30 часот. Противникот ќе биде голем предизвик за „црвено-жолтите“ особено ако се земе фактот дека оваа генерација доминира, освои три шампионати по ред, во 2019, 2021 и 2023 година.
Селекторот нема да смета на две важни ракометарки. Ива Младеновска и Хана Мифтари, и двете се повредени.
Ова ќе биде прво ЕХФ ЕУРО првенство со 24 репрезентации, пласман во главната рунда ќе обезбедат првите две селекции од секоја група.
