Македонската женска младинска репрезентација го запиша вториот пораз на ЕХФ ЕУРО кое се одржува во Подгорица. После поразот од првакот, Унгарија, нашите ракометарки се убедливо совладани од Полска со 18-28.
Трпеска имаше четири погодоци, додека по три запишаа Миленкоска, Котевска и Беровиќ.
Избраничките на Симе Симовски не влегоа најдобро во мечот, до 19-та минута имаа постигнато само два гола (2-8), додека пак после негативата од 4-11 успеаја да се издигнат и на одморот на намалат на 8-11.
Полска во второто полувреме на дело ја оправда фаворитската улога и поведе со девет гола 11-20, негатива која против една ваква репрезентација е невозможно да се стигне.
Последниот меч од групната фаза Македонија го игра во сабота против Чешка.
Иако Македонија беше голем аутсајдер, сепак ЕХФ издвои неколку добри моменти на нашите девојки.
