СВР Скопје во својот билтен објави дека по завршување на мечот меѓу ФК Вардар и Ла Фиорита во рамките на првото коло во Конференциската лига биле уапсени три лица.
Хаос беше пред почетокот на мечот, а истиот продолжи за време и по завршување. За дел од неспортското навивање ќе плати на крајот и ФК Вардар, бидејќи во Европа не се толерира „дивеење“.
Има и такви кои ги поминаа гранциите. Трите лица се приведени зошто со тврди предмети фрлале кон полициски службеници, лица во публиката и по учесници на натпреварот.
„На 10.07.2025 полициски службеници од СВР Скопје ги приведоа Ф.Д.(19), М.Г.(18) и А.З.(27), сите од Скопје, поради тоа што за време и по завршување на фудбалски натпревар на aрената „Тоше Проески“ во Скопје фрлале тврди предмети кон полициски службеници, лица во публиката, како и лица учесници на натпреварот. По целосно документирање на случајот ќе следуваат соодветни поднесоци“, се вели во билтенот на СВР Скопје.
Вардар на првата средба славеше со 3-0 и за една недела ќе го игра реваншот за пласман во второто квалификациско коло.
