Бенфика и официјално го доби 21-годишниот дефанзивец Рафаел Обрадор од Реал Мадрид. Според „Ас“, трансферот изнесувал 5 милиони евра.
Претходно беше објавено дека Обрадор ќе биде дел од договорот за доведување на 22-годишниот дефанзивец Алваро Карерас од Бенфика во Реал Мадрид. Португалскиот клуб потпиша 5-годишен договор со младиот Обрадор, до 2030 година.
Минатата сезона, Шпанецот играше за Депортиво и имаше 33 настапи во Сегунда. Сега останува да се почека финализирање и на трансферот на Карерас на „Бернабеу“.
