Македонскиот тенисер Калин Ивановски со победа во првото квалификациско коло го стартуваше Челинџер 125 турнирот во Сан Марино. Тој на стартот оствари победа над Јозеф Ковалик од Словачка со 2-0 во сетови (76(5) 76(4)). Утре за пласман на главниот турнир Ивановски ќе игра против домашниот тенисер Франческо Форти.
Во мечот против Ковалик македонските тенисер во првиот сет имаше постојано предност, а во осмиот гем направи брејк за водство од 5:3 во гемови. Сепак не успеа да ја материјализира предноста и противникот во следниот гем го врати загубениот гем на сервис на Ивановски и намали на 5:4 и сетот беше решен во „13-тиот гем“. Ивановски поведе со 5:1, но му дозволи на Ковалик да намали на 5:4 на поени, за сепак да го добие тај брејкот со 7:5 и да поведе со 1-0 во сетови. Во вториот сет немаше ниту еден брејк, па повторно се решаваше во „13-тиот гем“. Со мини брејк Ивановски поведе со 1:0, но Ковалик дојде до предност од 4:2 за промена на страните. Очигледно промената беше доббредојдена за македонскиот тенисер, кој освои пет поени во низа и го доби гемот со 7:4 на поени што значеше 2-0 во сетови и пласман во финалето од квалификациите.
Челинџер турнирот во Сан Марино се игра за награден фонд од 181.250 евра
