Вечерва од 21:00 часот по европско време, во Њу Џерски, САД, ќе се одигра финалето од Светското клупско првенство помеѓу екипите на ПСЖ и Челзи.
На истото најавено е присуството на американскиот претседател, Доналд Трамп, а организаторот, ФИФА како и локалните власти во градот се на највисоко ниво на безбедносна подготвеност.
На сите навивачи им се препорачува да бидат на стадионот три часа пред почетокот на натпреварот, а претресите и прегледите ќе бидат построги отколку на претходните натпревари.
Претседателот на ФИФА, Џани Инфантино, и претседателот Трамп се доста блиски и работеа заедно за да се осигурат дека Соединетите Држави ќе бидат домаќини на ова Светско првенство и на Светското првенство следната година за националните тимови.
