Агон Елези официјално заминува од германски Бохум. Вечерва преку соопштение Бохум и официјално ја потврди разделбата со нашиот репрезентативец.
„ВфЛ Бохум 1848 и Агон Елези постигнаа меѓусебен договор за раскинување на договорот. 24-годишниот репрезентативец на Македонија беше дел од сино-белиот тим од јануари 2024 година, но има само еден настап за првиот тим во Купот на Германија. Во текот на првата половина од минатата сезона, тој одигра седум натпревари за тимот до 21 година во Оберлига Вестфалија, постигнувајќи пет гола. Во втората половина од сезоната 2024/25, Елези беше позајмен на хрватскиот елитен клуб, ХНК Горица“, се вели во соопштението на Бохум.
И Елези им се заблагодари на своите досегашни клупски колеги за соработката.
ℹ️ #meinVfL and Agon #Elezi have agreed to terminate his contract by mutual consent.
All the best for your future, Agon! 💙 pic.twitter.com/igQ4TrAM3y
— VfL Bochum 1848 (@VfLBochum1848EN) July 14, 2025
