Челзи го освои Светското клупско првенство победувајќи го ПСЖ со 3-0 во финалето. Францускиот тим не успеа да освои четврти голем трофеј оваа сезона, но не жалат за тоа, напротив.
Ова го откри претседателот Насер Ал-Келаифи, кој одговори на новинарско прашање дали се чувствува фрустриран или горд по тешкиот пораз во финалето:
„Многу сме горди! Она што го направивме оваа сезона е величествено. Вистина е дека го загубивме финалето на Светското првенство, но тоа е фудбалот. Горд сум на мојот тим. Овој пораз е добар за нас бидејќи мора да останеме скромни.“
ПСЖ на тој начин ја заврши најдобрата сезона во историјата на клубот во која го освоија француското првенство, националниот куп и Лигата на шампионите, а воедно стигнаа до финалето на Светското клупско првенство.
