Нашата најдобра кошаркарска репрезентација, попладнево го одржа првиот собир под водство на новиот селектор Марјан Илиевски со што е означен старт на подготовките за мечевите од претквалификациите со Унгарија и Романија за пласман на СК 2027 година.
Се разбира дека тука беше и новиот претседател на КФСМ, Томица Главчев, кој дојде во салата “Кале“, заедно со своите први соработници и им посака среќа на нашите кошаркари. Ова и за новото раководство беше првиот собир на А-репрезенацијата.
На првиот собир селекторот Илиевски имаше десет кошаркари, кои освен Магдевски, сите останати се млади.
Во петок се оди во Гевгелија, додека на 22 јули треба Илиевски да го има комплетниот состав. Треба да се приклучи и Андреј Јакимовски, како и Тео Симиќ и Адем Мекиќ, како Американецот Џејкоб Вајли.
Најавено е дека тие што се, ќе се борат максимално за Македонија.
Јасно е дека “плачење“ дека ги нема поискусните, ова е шанса за помладите да се докажат и да си фатат место во репрезентација, да покажат дека се подготвени да носат еден товар како што е сениорскиот дрес.
