Кошаркарот на Филаделфија 76ерс, Пол Џорџ, во понеделник беше подложен на артроскопска операција на левото колено, кое го повреди на тренинг, објави НБА тимот. 35-годишниот кошаркар е во фаза на закрепнување. Неговата состојба ќе биде повторно проценета во септември, кога треба да започнат подготовките за новата НБА сезона.
Џорџ се мачеше со разни повреди во последните години и минатата сезона играше само 41 натпревар. Тоа беше петти пат во последните шест сезони да игра помалку од 60 натпревари. Пред да заврши сезоната за него и Сиксерс во март, Џорџ доби инјекции во левиот препони и левото колено. Неговиот просек од 16,2 поени минатата сезона е најнизок во последната деценија и за повеќе од пет поени во споредба со следниот најнизок.
Џорџ влезе во втората сезона од четиригодишниот договор од 212 милиони долари што го потпиша минатото лето. Сиксерсите минатата година остварија само 24 победи, најмалку од сезоната 1994/1995, главно поради големите здравствени проблеми на нивните ѕвезди, бидејќи Џорџ, Џоел Ембид и Тајрис Макси играа заедно само во 15 натпревари.
Претседателот на клубот, Дарил Мори, рече дека Ембид, кој имаше артроскопска операција на левото колено во април, е „на добар пат“ и треба да биде подготвен да започне со тренинзи.
