Регионалната кошаркарска лига АБА ќе има 18 клуба од следната сезона, беше одлучено на денешното Собрание.
На шампионатот ќе им се приклучат романскиот Клуж и австриската Виена, како и Босна и Илирија, кои обезбедија место во елитниот ранг преку АБА 2.
Иако имаше навестувања, Хапоел Тел Авив нема да се приклучи на АБА лигата, што дефинитивно ги остава Цибона и Морнар, како два најслаби тима од минатата сезона.
Следната голема вест е поделбата на АБА лигата во две групи, што ќе го намали бројот на натпревари што тимовите ќе ги играат од сезоната 2025/26.
Проширувањето за уште два тима би значело и четири дополнителни натпревари, што би било особено проблематично за тимовите што играат во европските натпреварувања.
Затоа, пронајдено е решение што ќе го олесни распоредот. Двете групи ќе имаат по девет тима, а наскоро треба да се знае како ќе изгледаат.
