СпортСпорт во Сан Марино, Огнен Чак Дојчиновски
Вечерва фудбалерите на Вардар, под будното око на тренерот Гоце Седлоски, го одработија официјалниот тренинг на стадионот во Сан Марино каде утре од 21 часот ќе се одигра реванш средбата од 1.квалификациско коло во Лигата на Конференции против домашниот состав на Ла Фиорита.
Со победнички мисли, со верба во себе и во своите квалитети, но и без потценување, четата на Седлоски утре има намера да одигра уште еден добар европски натпревар и со тоа да се стави заверка на пласманот во следното коло и дефинитивно да се закаже двомеч со Лозана, тим од Швајцарија.
Според она што и самиот го кажа, Седлоски има проблеми со составот зошто на утрешниот меч не ќе може да смета на Талевски, Фустин, Најдовски.
Сепак тој е уверен дека Вардар ќе го даде максимумот и дека ќе одигра уште еден добар меч, без разлика во кој состав ќе настапи.
